E vēnēi te faiga
Ko te Polokalame Taufakataitaki mo nā galuega Fakaonapōnei (Modern Apprenticeships Programme) e kaumai ai te mea pito lelei mai nā fakatakitakiga mo nā galuega e ve ona mahani ai oi fakaopoopo ai la ki ei ma he tamā huiga fakaonapōnei.
Ko he taukamataga mo na koleniga e fakavae ki na galuega ke fakafaigofie ai mo kilatou e fakafaigaluegagia na tino faigaluega ke fakafaigaluega ma koleni na tino talavou e i ei na taleni.
Ko na tino e aoga mo na galuega (apprentice) e talavou ma e galulue i na galuega matata kekehe e 32 fakaonaponei ma fakatahi ai ma te tulaga o na galuega mahani – e kave a latou koleniga i na galuega mo matata kehekehe agai ki te tulaga 3 pe ko te tulaga 4 mo te Tuhipahi o te Atunuku (National Certificate).
E he tau faia ni a latou kaitalafu (student loan) ka ke mafai ke pahi – e aoga lava ma maua o latou totogi. E he gata i tena ko te Taufakatakitakiga mo na Galuega Fakaonaponei e lagolago e he Tino Fakatonutonu mo na Taufakatakitakiga mo na galuega Fakaonaponei i na koleniga a kilatou ma e kavea ai te kikilaga o te Taufakatakitakiga mo na Galuega Fakaonaponei ma mea faigofie mo kilatou e taufakatakitaki mo na galuega e vena ma kilatou e fakafaigaluegagia na tino faigaluega.
Ko te talatalanoaga ki he Tino Fakatonotonu mo na Taufakatakiakiga mo na Galuega Fakaonaponei ko te lahaga muamua tena i te kamataga o he Taufakatakitakiga mo na Galuega Fakaonaponei. E kilatou mafaia oi fehoahoani atu mo te filifiliga pito lelei, fakatonu e kilatou he maliliega ki na koleniga mo na Taufakatakitakiga mo nà Galuega Fakaonaponei ma tuku mai te latou lagolago e tuha ma te 2 ki te 4 tauhaga o na galuega ma na koleniga e manakomia ke fakauma ai te Taufakatakitakiga mo na galuega Fakaonaponei.
Ko te Taufakatakigatakiga mo na Galuega Fakaonaponei e hili mamao atu nai lo te na ona veake lava tau ko he galuega – e tuku atu ai te avanoa ki te kautalavou ke kamata ai he galuega tumau mo te agai ki mua. Ko kilatou e pahi mai na Taufakatakitakiga mo na Galuega Fakaonaponei e tuku ki ni galuega fakapitoa ke talafeagai ma te latou matata tau galuega e ve ona kilatou filifilia, ke atili ai to latou iloa ma maua ai ni avaoa fou.