Ka ‘akapē‘ea te ta‘anga‘anga‘anga
Tē rave ‘ia nei rāi te au ‘akateretere‘anga memeitaki kātoatoa ō te tuātau mua i te ‘āpi‘i terēni ‘anga‘anga ē te Porokaramu Terēni ‘Āpii ‘i te Au ‘Anga‘anga ō Tēia Tuātau (Modern Apprenticeships Programme) ma te tāpiri katoa ia mai tēta‘i au ‘akateretere‘anga ōu ki roto i tēia ‘ē ‘āpi‘i‘ia nei.
No te rave ‘ia ana te ‘api‘i tereni ki te nga‘i ‘anga‘anga, i mama‘i i te au ‘ona ‘anga‘anga i te ‘apai mai i te anau mapu kia tereni‘ia, no te mea, e ma‘ata ta ratou au tareni kite tukeke i te rave.
E 32 au ngai ‘anga‘anga mamaata tukeke – ‘e ta ratou au ‘akateretere‘anga ou, e pera katoa tetai au nga‘i ‘akateretere‘anga ta‘ito - tei reira te Aronga ‘Api‘ipi‘i ‘Anga‘anga Ou o Teia Tuatau, koia oki, te au mapu, e rapu ra i te turanga 3, me kare ra, i te turanga 4, o ta ratou Setifiketi Basileia o te ‘Api‘i (National Certificate).
Kare ratou e kaio‘u moni no te tutaki i ta ratou ‘api‘i ‘e rauka mai ei ta ratou pepa ‘api‘i – te ‘anga‘anga moni ra oki ratou ‘e ‘api‘i ra. Kapiti mai ki te pae, te tauturu‘ia ra te au Aronga ‘Api‘ipi‘i ‘Anga‘anga Ou o Teia Tuatau e tetai Pu‘api‘i Aka‘aere o te Aronga ‘Api‘ipi‘i ‘Anga‘anga Ou o Teia Tuatau, i ngoie ei i te mapu, e te au ‘ona, i te rave i te ‘Api‘ipi‘i ‘Anga‘anga Ou o Teia Tuatau.
Ko te ‘uri‘uri manako na mua ki te Pu‘api‘i Aka‘aere o te Aronga ‘Api‘ipi‘i ‘Anga‘anga Ou o Teia Tuatau, te takainga mua o te ‘Api‘ipi‘i ‘Anga‘anga Ou o Teia Tuatau. Na ratou e tauturu i te ‘akatinamou i te ‘anga‘anga tau, kia rave‘ia, i te ‘akano‘ono‘o i tetai koreromotu no te tereni‘anga i te ‘Api‘ipi‘i ‘Anga‘anga Ou o Teia Tuatau – e pera katoa i te ‘oronga turuturu i nga mata‘iti ‘e 2 ki te 4, mei te ‘akamata‘anga te ‘anga‘anga, e te tereni‘anga o te ‘Api‘ipi‘i ‘Anga‘anga Ou o Teia Tuatau, ‘e oti ua atu.
Kare te ‘Api‘ipi‘i ‘Anga‘anga Ou o Teia Tuatau e, no te rave ‘anga‘anga ua – ‘e tuatau katoa teia i te tauturu i te ‘anau mapu i te ‘akamata i tetai turanga ora‘anga kimi puapinga no ratou. Ko te aronga tei rauka ta ratou pepa o te ‘Api‘ipi‘i ‘Anga‘anga Ou o Teia Tuatau, ko ratou te ka matutu i ta ratou ‘anga‘anga i tereni‘ia ratou, i te ‘akaneke atu i to ratou turanga kite, ‘e te ‘opu katoa mai i tetai au ‘anga‘anga ou, me tupu ake.