Gahua Fefe
Ko e tau Fakaholoaga Fakamahani Tagata Gahua (Modern Apprenticeships Programme) kua lafi atu ki ai e falu he tau puhala fakaako mo e fakamahani gahua foou.
Ko e tau fakamahanaiaga gahua nai kua taute ke fakamukamukaaki e tau Pule Gahua ke fakagahua mo e fakamahaniaki a lautolu kua lotomatala.
Ko e Fakamahaniaga Gahua nai kua lata ia ma lautolu e atuhau fuata kua gahua ke he 32 e faahi gahua kehekehe, ke he tau puhala tuai mo e tau puhala foou ke he tau gahua ke moua ai e tau Tohi Pulotu (National Certifcate) levolo 3 mo e 4.
Ko e mena kua nakai lata a lautolu ke moua taha tupe fakakaitalofa tuga e Student Loan, hakoe mena gahua fakamahani a lautolu ka e moua e tau totogi. Lafi kiai, ko e Fakamahaniaga Gahua Foou nai, kua haha iai e tau Takitaki Gahua kua onoono mo e fakatokatoka e tau fakamahaniaga kua tonu ma lautolu mo e tau Pule Gahua.
Ko e fakatutalaaga mo lautolu e tau Takitaki Fakamahani Gahua kua lata ke taute fakamua to kamata e Fakamahani Gahua Foou. To lagomatai e lautolu ke tukuatu ki koe e fifiliaga ke he tau gahua mo e fakatokatoka foki e tau puhala fakaako mo e fakamahani gahua fakalataha mo e tau maveheaga fakaako gahua – to lagomatai foki ke he 2-4 e tau tau ka Fakamahani Gahua ai a koe a to fakaoti haau a tau fakaakoaga.
Ko e Fakamahaniaga Gahua Foou nai kua nakai tatai mo e taha gahua kua gahua ai e tagata – ka ko e fakamahaniaga ke lata mo e tagata a noiha. Ko e, Fakamahaniaga Gahua Foou nai kua maeke he tagata ke fifili e faahi gahua kua makaukau a ia ki ai ke fakalaulahiaki haana makaka mo e maeke ke kumikumi atu foki.